...

Rövnəq Abdullayev: Xəzərdə yataq və perspektiv strukturunun birgə işlənməsi üçün transmilli şirkət cəlb olunacaq

Energetika Materials 15 Sentyabr 2014 13:55 (UTC +04:00)

Azərbaycan, Bakı, 15 sentyabr /Trend, müxbir Emil İsmayılov/

Azərbaycan Respublikası Dövlət Neft Şirkəti (ARDNŞ) Xəzərin Azərbaycan sektorundakı "Ümid" qaz-kondensat yatağında və "Babək" perspektivli strukturunda birgə işlə bağlı 12 iri transmilli şirkətdən təklif gözləyir. Trend-in məlumatına görə, bunu bazar ertəsi jurnalistlərə ARDNŞ prezidenti Rövnəq Abdullayev deyib.

Onun sözlərinə görə, bir blokun tərkibində göstərilən strukturlarda iş mürəkkəb texniki hazırlıq proqramı, sualtı hazırlıq prosesi və böyük həcmdə investisiya tələb edir: "Məhz buna görə ARDNŞ bu blokda iş üçün tərəfdaş qismində iri şirkətlərin cəlb edilməsi haqqında qərar qəbul edib".

ARDNŞ prezidenti qeyd edib ki, ən yaxşı təklif irəli sürəcək şirkətlə "Ümid" və "Babək"in birgə işlənməsi üzrə böyük proqram reallaşdırılacaq.

ARDNŞ-nin yeni tərəfdaşla əməkdaşlıq etmək niyyətində olduğu müqavilənin forması ilə bağlı R.Abdullayev deyib ki, bu məsələ təkliflərdən asılı olaraq həll olunacaq, çünki ARDNŞ sualtı hazırlıq üçün mürəkkəb texnologiyalara malik deyil.

Məqalədə:
Xəbər lenti

Xəbər lenti