...

"Abşeron" yatağının işlənməsi proqramının təsdiq ediləcəyi tarix məlum oldu

Energetika Materials 17 Sentyabr 2014 20:11 (UTC +04:00)

Azərbaycan, Bakı, 17 sentyabr /Trend, müxbir Emil İsmayılov/

Xəzərin Azərbaycan sektorundakı "Abşeron" qaz-kondensat yatağının işlənməsi proqramının bu ilin sonunadək təsdiq ediləcəyi gözlənilir. Trend-in məlumatına görə, bunu jurnalistlərə Azərbaycan Respublikası Dövlət Neft Şirkətinin (ARDNŞ) prezidenti Rövnəq Abdullayev deyib.

Onun sözlərinə görə, yatağın işlənməsi proqramı artıq hazırlanıb və hazırda son tamamlama işləri aparılır.

Daha əvvəl bildirilmişdi ki, "Abşeron" qaz-kondensat yatağından ilk qaz yalnız 4-5 ildən sonra əldə oluna bilər. Yatağın işlənməsində əsas məsələ sərbəst üzən qazma qurğusunun olmasıdır.

Yatağın potensial ehtiyatları 350 milyard kubmetr qaz və 45 milyon ton kondensat təşkil edir.

Məqalədə:
Xəbər lenti

Xəbər lenti