...

Paytaxt və bir neçə rayonun qaz təchizatında məhdudiyyət olacaq

Energetika Materials 30 Avqust 2016 18:52 (UTC +04:00)
Abşeron, Ağdaş, Ağdam və Siyəzən magistral qaz kəmərləri sahələrində cari təmir işləri aparılacaq.
Paytaxt və bir neçə rayonun qaz təchizatında məhdudiyyət olacaq

Trend-i buradan izləyin

Bakı. Trend:

Abşeron, Ağdaş, Ağdam və Siyəzən magistral qaz kəmərləri sahələrində cari təmir işləri aparılacaq.

Trend SOCAR-ın saytına istinadən xəbər verir ki, avqustun 31-də saat 10:00-dan 18:00-dək “Qaz İxrac” İdarəsinin Abşeron magistral qaz kəmərləri sahəsinin “Zığ”, Ağdaş magistral qaz kəmərləri sahəsinin “Borsunlu”, “Dəliməmmədli” və “Zazalı”, Ağdam magistral qaz kəmərləri sahəsinin “Bərdə”, həmçinin Siyəzən magistral qaz kəmərləri sahəsinin “Taxtalar” və “Siyəzən Broyler” qazpaylama stansiyalarında, eləcə də bəzi ölçü qovşaqlarında cari təmir işləri aparılacaq.

Təmir müddətində Samux rayonunun Əliuşağı, Zazalı və Qiyaslı kəndlərinin, eyni zamanda Goranboy rayonunun Dəliməmmədli və Borsunlu kəndlərinin qaz təchizatında məhdudiyyətlər olacaq. Aparılan işlərin Bakı şəhəri Xətai və Suraxanı, Şabran, Siyəzən, Bərdə və Göygöl rayonlarının bir hissəsinin qaz təchizatına təsir göstərməsi də mümkündür.

Məqalədə:
Xəbər lenti

Xəbər lenti