Trend in xəbər verdiyi kimi, Azərbaycan Dövlət Neft şirkətinin "Xəzər dəniz neft donanması" idarəsi "Əli Əmirov" gəmisinin təmiri üçün avadanlıq və ehtiyat hissələrinin alınması üzrə tender elan edib. Tender təklifləri 2006-c il aprelin 18-də açıqlanacaq.
Tenderdə iştirak etmək istəyənlər sənədləri "Xəzər dəniz neft donanması" idarəsinin marketinq şöbəsinə müraciət etməklə əldə edə bilər. Yük alan avadanlıq və ehtiyat hissələrini müqavilənin imzalandığı gündən etibarən 3 aydan gec olmayaraq yola salmalıdır. Avadanlıqların dəyəri təsdiqlənmiş akkreditivlə və ya yük yola salındıqdan sonra 6 ay ərzində hissə-hissə ödənilməlidir.
Təkliflərin qiymətləndirilməsi zamanı üstünlük bu kriteriyalara veriləcək: ehtiyat hissələrinin qiyməti, spesifik təcrübə (gəminin ehtiyat hissələrinin təchizatı sahəsində) və avadanlıqların yola salınma müddəti.
