Hazırda soyuq hava şəraiti ilə əlaqədar "Bakqaz" SC əhalini əvvəlki həcmdə, yəni gündə 6 mln. m3 qazla təmin etməkdə davam edəcək. "Bakqaz"dan Trend agentliyinə verilən məlumata əsasən, yay iş rejiminə keçid yalnız hava şəraitinin sabitləşməsindən sonra gerçəkləşdiriləcək.
SC-dan bildirildiyi kimi, bu il əhaliyə böyük həcmdə qaz verilib ki, bu da yüksək tələbatla bağlıdır.
Qeyd etmək lazımdır ki, əvvəl yay iş qrafikına keçid aprelin 15-nə təyin olunmuşdu. Hazırda Bakıya gündə təxminən 6 mln. kub metr qaz verilir. Yayda isə bu rəqəm 3 mln. kub metrə enəcək.
