Azərbaycan Dövlət Neft Şirkəti hazırda tikintisi başa çatacaq və "neft Daşları" yatağında qurulacaq 1887 saylı yeni platformanın elektrik enerjisi ilə təchizatını başa çatdırıb. Trend in xəbər verdiyi kimi, bu barədə ARDNŞ-dən məlumat verilib.
Bu məqsədlə "Samir Quliyev" gəmisindən dənizin dibi ilə 2500 metr uzunluğunda kabel çəkilib. Kabel Finlandiyadan gətirilib. Əvvəlcə platformada 6/04 kilovoltluq paylayıcı avadanlıq quraşdırılıb. Yeni kabel xətti Neft Daşlarındakı ''28 May'' adına və ''Neft Daşları'' NQÇİ-ni elektrik enerjisi ilə təmin edən, yeganə enerji mənbəyi olan QTES-48 qaz-turbin elektrik stansiyasından qidalanır.
Xəttin gücü hələ bir nesə iri platformada da neft hasilatını təmin etmək üçün kifayət edər. Hazırda kabelin ikinci (ehitiyat) xəttinin çəkilməsi ilə bağlı hazırlıq gedir.