İlin əvvəlindən "Qərb" marşrutu ilə ABƏŞ və Azərbaycan təxminən 321 mln. barel (43 mln. ton, və ya 535 tanker reysi) neft nəql edib. Bu barədə, Trend ə BP şirkətindən məlumat verilib.
1997-ci ildən 2006-cı il iyunun sonuna qədər təxminən 160 mln. barel (246 tanker reysi və ya 22 mln. ton) neft ixrac olunub.
BP Azerbaijan şirkətinin prezidenti Devid Vudvordun sözlərinə görə, Bakı - Novorossiysk kəməri BTC kəmərinin fasiləsiz işləmək qabiliyyətində bütün şübhələrə son qoyulanadək istifadə olunacaq.
Hazırda Batumi limanına dəmir yolu ilə gündə təxminən 120 min barel neft çatdırılır. İstismara başlandıqdan sonra dəmir yolu ilə 32,7 mln. bareldən çox neft nəql olunub ki, bu da iyunun sonuna qədər Batumi limanından 55 tankerin göndərilməsinə imkan verib.
2006-cı il iyunun 4-dən Türkiyənin Ceyhan terminalından 6 mln. bareldən çox (təxminən 0,8 mln. ton) AÇQ nefti göndərilib ki, bu da Ceyhana BTC kəmərilə çatdırılıb. Hazırda Ceyhana gündəlik neft axınının həcmi 400 min barel təşkil edir.
