"Markab" tədqiqat gəmisi Xəzərin Azərbaycan sektorunda işə başlayıb. Daha əvvəl isə gəmidə avadanlıqların toplanması prosesi başa çatıb. Bu barədə Trend ə Azeri-Fugro Azərbaycan-Niderland müştərək müəssisəsindən məlumat verilib. Gəmi Fugro şirkətinə məxsusdur.
Bu ildən başlayaraq "Şahdəniz" yatağında tədqiqatlar aparılacaq. Şirkətdən bildirilib ki, işlərin 2 ay ərzində həyata keçirilməsi nəzərdə tutulur. Bu işlər torpağın mühəndis xüsusiyyətlərinin tədqiqinə yönəldilib. Cəmi 12 geotexniki quyunun qazılması planlaşdırılır. Bunların bir hissəsi 30 m, digərləri isə 150 metr dərinlikdə qazılacaq. İşlər suyun 500 m dərinliyində aparılacaq.
Naviqasiya bağlandıqdan sonra gəminin qışda Xəzərdə qalması da mümkündür.
