...

ABƏŞ Cənubi Qafqaz qaz kəmərinin sınaqdan keçirilməsi üçün 38,45 mln. kubmetr qaz verib

Energetika Materials 11 Oktyabr 2006 15:31 (UTC +04:00)

Trend-i buradan izləyin

Bu ilin sentyabr ayında Azərbaycan Beynəlxalq Əməliyyat Şirkəti Cənubi Qafqaz ixrac qaz kəmərində işlərin həyata keçirilməsi üçün 0,01 mln. kubmetr qaz hasil edib və təqdim edib. Bu barədə Trend ə ARDNŞ-dən məlumat verilib. Beş ay ərzində cəmi (qazın verilməsi may ayından başlayıb) 38,45 mln. kubmetr qaz verilib.

CQB layihəsinin texniki operatoru BP şirkəti qaz kəmərini Səngəçal terminalında qazla dolduraraq, yeni qaz ixracı sistemini sınaqdan keçirməyə başlayıb. Əvvəl boru kəmərinin inşa prosesi və hidropresslənməsi həyata keçirilib. İlk qaz bu il sentyabr ayının sonunda göndərilib.

İşə salma-qəbul sınaqları üçün qaz mayın 21-i Səngəçal terminalından CQB-ya nəql olunub. Hazırda qurğu və avadanlıqlar təzyiq altında sınaqdan keçirilir və əməliyyat sınaqları həyata keçirilir. CQB-nin qalan, Gürcüstan-Türkiyə sərhəddinə qədər hissəsinin sınağı sentyabr ayında, qazın Səngəçal terminalında emalı üçün qazın qurğuya və qazın "Şahdəniz" yatağında hasilatı üçün platformaya gedən dəniz boru kəmərlərinə nəqlindən sonra başlayacaq.

"Şahdəniz"-CQB, "Şahdəniz" platformasından Səngəçal terminalına qədər və sonra Gürcüstan-Türkiyə sərhəddinə qədər bütün ixrac sisteminin sınaqdan keçirilməsi üçün təxminən 0,1 mlrd. kubmetr qaz lazımdır. Sınaqlar üçün "Azəri-Çıraq-Günəşli" yatağından hasil edilən ARDNŞ-in səmt qazından istifadə olunur.

Xəbər lenti

Xəbər lenti