"Azəri"-"Çıraq"-"Günəşli" yatağının tam miqyaslı işlənməsi layihəsinin reallaşdırılması çərçivəsində sonuncu dayaq blokunun tikintisinin gələn ilin may-iyun aylarında başa çatacağı ehtimal olunur. Bu barədə Trend ə Bakı dərin özüllər zavodundan məlumat verilib.
Bu dayaq öloku layihədə Faza 3 üçün nəzərdə tutulub - bu, mühəndis-texniki sistemləri olan, qaz hasilatı, sıxılması və suyun vurulması üçün platformanın dayaq blokudur. Faza 3 üçün tikiləcək sonuncu göyərtə - mühəndis-texniki sistemləri olan, qaz hasilatı, sıxılması və suyun vurulması üçün platformanın üst tikililərlə göyərtəsidir. Bu yuxarı tikililərin tikintisi Bibiheybətdə ATA (Amec-Tekfen-Azfen) tikinti meydançasında davam edir. Bu göyərtənin tikintisinin 2007-ci ilin dördüncü rübündə tamamlanacağı gözlənilir.
BDÖZ-də Bos Shelf şirkətinin tikinti meydançaları var. Bu şirkət dayaq bloklarının tikintisi üzrə BP-nin podratçısıdır.
Dərin sulu "Günəşli"dən "Faza-3" çərçivəsində ilk neftin hasilatı 2008-ci ildə nəzərdə tutulub. Ehtimal olunur ki, iki sualtı manifolddan qazılan quyularda suyun vurulması platformada yerləşən quyulardan neft hasilatı ilə eyni zamanda başlayacaq. Dərinsulu "Günəşli"nin çıxarılan ehtiyatları 176 mln. ton və ya 1,25 mlrd. barel neft təşkil edir.
