...

"Azərenerji" Mingəçevirdə Azərbaycan İES –in yenidən qurulması üçün tenderə hazırlaşır

Energetika Materials 19 Dekabr 2006 20:17

Trend-i buradan izləyin

Yaxın vaxtlarda "Azərenerji" səhmdar cəmiyyəti Mingəçevirdə Azərbaycan İES -in yenidən qurulması layihəsi üzrə tender elan etmək niyyətindədir. Bu barədə Trend ə səhmdar cəmiyyətin vitse-prezidenti Marlen Əsgərov məlumat verib. Bu layihə Avropa Yenidənqurma və İnkişaf Bankının kredit vəsaitləri hesabına reallaşdırılacaq.

AzİES-in yenidən qurulmasından sonra respublikanın elektrik enerjisinə olan tələbatını sərbəst şəkildə ödəmək qabiliyyətinə malik milli enerji sisteminin kafiliyindən danışmaq olar. Bundan başqa, ehtiyat istehsal obyektlərinin yaradılması mümkündür, bu isə elektrik enerjisi ixracının başlanmasına səbəb olacaq.

Yenidən qurulma layihəsi 150 mln. ABŞ dolları məbləğində qiymətləndirilir, bnun 115 mln. ABŞ dollarını AYİB verəcək. AzİES-in yeddi enerji blokunun yenidən qurulması mazuta qənaət edilməsi hesabına gündə 300 min ABŞ dolları gəlir gətirəcək. Bundan başqa, azotun, karbon və kükürd qazlarının havaya tullanmasının azalması hesabına, Kiot sazişinin reallaşdırılma şərtləri çərçivəsində, "Azərenerji" beş il ərzində 150 mln. avro ala bilər.

Enerji bloklarının yenidən qurulması üzrə işlərin gələn ilin birinci rübündə başlanması planlaşdırılır. Bunun üçün tender keçirmək və baş podratçını müəyyən etmək lazımdır.

Əvvəl bank bu layihə üzrə məsləhətçi qismində çıxış edəcək şirkəti müəyyən edib və təsdiqləyib. Mingəçevirdəki Azərbaycan İES-in yenidən qurulması layihəsi çərçivəsində məsləhətçi xidmətlərin göstərilməsi üçün tenderin qalibi TEPSCO və Fichtner Yaponiya-Almaniya şirkətlər alyansı olub.

80-ci illərdə inşa edilmiş AzİES Azərbaycanda ən böyük elektrik stansiyasıdır. O, hər biri 300 MVt olan 8 enerji blokuna malikdir, lakin avadanlıq köhnəldiyindən stansiyanın istehsalat gücü azalıb. Bu il "Azərenerji" Rusiyanın "Qüvvət maşınları" şirkəti ilə birgə beşinci enerji blokunun yenidən qurulmasını həyata keçirib, bu isə orada 330-340 MVt istehsal gücünə nail olmağa imkan verib.

Elektrik stansiyasının yenidən qurulması layihəsinə yeddi enerji blokunun, suburaxıcı sistemin və tüstü borusunun təkmilləşdirilməsi daxildir. Əvvəl AYİB ilə danışıqlar aparılıb, lakin kreditin verilmə şərtləri Azərbaycanı qane etməyib. Lakin Avropa bankının prezidenti Jan Lemyerin Azərbaycana səfərindən sonra bank öz şərtlərini geri götürüb və kredit üzrə danışıqlar davam etdirilib.

Xəbər lenti

Xəbər lenti