"İnam" perspektiv strukturunda INX-2 ikinci kəşfiyyat quyusunun qazıntısına bu ilin iyun ayında başlana bilər.
Trend xəbər verir ki, qazıntının "İstiqlal" qazma qurğusundan həyata keçiriləcəyi nəzərdə tutulub. Bu zaman, əgər "Şahdəniz" yatağında SDX-4 quyusunda köndələn lülənin qazılması haqqında qərar qəbul olunmasa, o zaman "İnam"da INX-2 quyusunun qazıntısı bir neçə ay tez başlaya bilər.
Strukturda birinci quyu qeyri-adi yüksək təzyiqə görə yaranmış problemlər səbəbindən ləğv olunub.
"İnam" perspektiv strukturunun işlənməsi üzrə layihədə BP (layihənin operatoru - 25%), Azərbaycan Dövlət Neft Şirkəti (50%) və Shell (25%) iştirak edir.