Rusiyanın Azərbaycandakı ticarət nümayəndəliyi RF-nin Azərbaycanın neft-qaz sənayesində fəaliyyətinin genişləndirilməsi planını açıqlayıb. Ticarət nümayəndəliyinin rəhbədri Yuri Şedrinə istinadən Trend in verdiyi məlumata əsasən, "Russneft" şirkətinin "Hövsan-Zığ" quru yatağında neftin əldə olunması üçün investisiyası 200 milyon dollar təşkil edir. "Bu gözəçarpan investisiyadır, onun böyük hissəsi ekoloji proqramların həyata keçirilməsinə istiqamətləndiriləcək", - deyə Y. Şedrin qeyd edib.
Neft-qaz çıxarılmasında əməkdaşlıqla yanaşı, investisiya neft sənayesi avadanlıqlarının istehsalının təşkilinə də yönəldilə bilər.
""LUKoyl"la yanaşı Azərbaycanda yanacaq-sürtgü yağlarının reallaşdırılması üçün "Qazprom", "RAO EES", "Rusneft" kimi digər şirkətlər də cəlb oluna bilər ", deyə Y. Şedrin qeyd edib.
Onun sözlərinə görə, gələcəkdə Bakı-Novorossiysk marşrutu ilə neftin vurulmasında rever rejimin təşkili məsələsinə baxılması da istisna edilmir. Bununla yanaşı Rusiyada neft birjalarının təşkilindən sonra Azərbaycan iştirakçılardan biri ola bilər.
"Bu təkliflə 2006-cı ilin payızında Bakıya rəsmi səfərində RF-nin iqtisadi inkişaf və ticarət naziri German Qref çıxış edib. Təklif müsbət qarşılanıb, lakin hələlik Sankt-Peterburqda sövdələşmənin təşkili məsələlərinə hazırlıq gedir. Bundan sonra Azərbaycan neftçiləri də qoşula bilər"- diplomat hesab edir.
Bu sövdələşmə Azərbaycan neftinə deyil, Rusiya neftinə aiddir.
"Birjanın təşkili normal qiymət üçün qanuni baza yaradır. Bu gün Azərbaycan neftinin bir hissəsini Bakı-Novorossiyks kəməri ilə çatdırır və o, Urals növü kimi Novorossiysk limanında satılır. Buna görə də dövlət üçün Uralsın formalaşdırılmış qiyməti transparent və aydın olmalıdır", - deyə o bilidirib.
