Azərbaycan,Bakı/müxbir Trend S.Əliyev /Azərbaycan Dövlət Neft Şirkətinin (ADNŞ) marketinq və iqtisadi əməliyyatlar idarəsi Novorossiyskdən 450 min barrel Yurals neft növünün Novorossiyskdən yüklənməsi ilə bağlı tender elan edib. Bu barədə ADNŞ-dən məlumat verilib. Neft partiyası 24-25 apreldə yüklənəcək. Bu ADNŞ-in öz yataqlarından, müəssisə və əməliyyat şirkətləri ilə birgə hasil etdiyi neft olacaq. Tenderin nəticəsi martın 27-də elan olunacaq.
Yanvar ayında ADNŞ-nin Bakı-Novorossiysk boru kəməri vasitəsilə neftin çatdırılması həyata keçirilməyib. Fevral və mart aylarında ADNŞ-in Novorossiyskdən hər biri 450 min barrel həcmdə olan neft partiyaları yüklənib.
ADNŞ tərəfindən bu boru kəməri vasitəsilə yüklənmənin əhəmiyyətli dərəcədə aşağı düşməsinin səbəbi xammalın bütün həcminin elektrik enerjisinin əldə olunması üçün neft emalı zavodlarına göndərilməsidir. Bu il Azərbaycan Rusiyadan qaz idxalını dayandırıb. Bu qaz elektrik stansiyalarında elektrik enerjisinin alınması üçün yanacaq kimi istifadə olunurdu.
2007-ci ildə ADNŞ-in neft partiyalarını Novorossiyskdən aşağıdakı şirkətlər əldə edib:
Glencore Energy UK Ltd - fevral (450 min barrel);
REOC Ltd - mart (450 min barrel).
