Azərbaycan, Bakı /müx. Trend / Koreyanın STX şirkəti Azərbaycanda ümumi gücü 20 meqavat olan külək generatorlarının inşası ilə bağlı qarşılıqlı anlaşma memorandumu imzalamaq niyyətindədir. Bu barədə Koreya KİV-ləri Koreya hökumətinə istinadən məlumat yayıblar.
Həmçinin məlum olub ki, Koreyanın "Electric Power Corp." şirkəti Azərbaycanda 1000 meqavatlıq buxar-qaz qurğusunun tikintisini həyata keçirmək niyyətindədir.
İlin birinci rübündə "Azərenerji" SC 6,6 milyard kVt/s elektrik enerjisi istehsal edib. Ötən ildə müvafiq göstərici 7 milyard kVt/s olub.
İlin ilk üç ayı ərzində hasil olunan elektrik enerjisindən 6 mlrd. kVt/s istilik elektrik stansiyalarının payına, 0,6 mlrd. kVt/s isə su elektrik stansiyalarının payına düşür.
