Azərbaycan, Bakı/ Trend / Yanvar-aprel aylarında Azərbaycanda 13,727 mln. ton neft hasil olunub. Bu barədə çərşənbə axşamı Azərbaycan Dövlət Statistika Komitəsindən məlumat verilib. Bu həcm 2006-cı ilin müvafiq dövrü ilə nisbətdə 47,1 faiz çoxdur.
Neft və qazın əsas hasilatını Azərbaycan Beynəlxalq Əməliyyat Şirkəti (ABƏŞ) həyata keçirib. Şirkət 10,8 mln. ton neft və 1,254 mlrd. kubmetr qaz çıxarıb ki, bu da 2006-cı ilin müvafiq dövrü ilə nisbətdə uyğun olaraq 70 və 32,6 faiz çoxdur.
Ölkədə çıxarılmış ümumi karbohidrogen ehtiyatlarından ABƏŞ-in payına 78,9 faiz neft və 43,5 faiz qaz düşüb.
Yanvar-aprel aylarında Azərbaycanda qaz hasilatı 2,878 mlrd. kubmetr təşkil edib. Bu rəqəm 2006-cı ilin müvafiq dövrü ilə müqayisədə 28,4 faiz artıqdır.
Yanvar-aprel ayları ərzində 8,048 mlrd. kVt-Saat elektrik enerjisi istehsal olunub. Bu göstərici isə ötənilkindən 7,6 faiz azdır.
