Bakı. Trend:
Ölkənin aparıcı sığorta şirkətlərindən biri “Atəşgah” Sığorta Şirkətinin İdarə Heyətinə yeni təyinat olub.
“Atəşgah”dan Trend-ə verilən məlumata görə, Orxan Rzayev Şirkətin İdarə Heyətinin Sədr müavini vəzifəsinə təyin olunub. Bu qərar Şirkətin Səhmdarlarının Direktorlar Şurasının qərarına əsasən qəbul edilib.
Rzayev Orxan Faid oğlu 2005-ci ildən “Atəşgah” Sığorta Şirkətində fəaliyyət göstərir. O, müxtəlif dövrlərdə Müştəri xidmətləri şöbəsi, Birbaşa satış şöbəsi,Birbaşa satış idarəsi, Pərakəndə satış idarəsi və Regional satış idarəsinin rəhbəri vəzifələrində çalışmış, eləcə də İdarə heyətinin üzvü vəzifəsini icra etmişdir.
Qeyd edək ki, hazırda “Atəşgah” SŞ İdarə Heyətinin sədri Əliyev Azər Allahverdi oğlu, İdarə Heyəti Sədrinin müavini isə İsmayılov Fuad Faiq oğludur.
Yüksək etibarlılıq imicinə sahib olan “Atəşgah” SŞ 1996-cı ildə yaranıb. 2003-cü ildə Azərbaycan sığorta şirkətləri arasında ilk olaraq İSO 9001:2000 beynəlxalq standartı üzrə idarəetmə sistemində keyfiyyətə nəzarət üzrə sertifikat almışdır. Şirkət 2014-cü ildən İcbari Sığorta Bürosunun üzvüdür.