Azərbaycan, Bakı, 07 mart / Trend , müxbir S.Babayeva / ICANN şirkəti "Accountability Framework" proqramı üzrə Azərbaycanda yüksək səviyyəli domen meneceri (".az") olan "Intrans" şirkəti ilə müqavilə imzalayıb. Sənədi ICANN - ın prezidenti və baş direktoru Pol Tumi (Paul Twomey) və "İntrans"ın baş direktoru Faiq Fərmanov imzalayıblar.
"İntrans" və İCANN arasında imzalanan sənəd iki mexanizmi işə salacaq, eləcə də ccTLD menecerləri İCANN ilə münasibətlərini formalaşdıracaq. Birinci - mübahisəli məsələləri həll etməyə imkan verir. İkinci mexanizm - İCANN və ccTLD meneceri arsında məktublaşmağa imkan verəcək.
ICANN -- beynəlxalq qeyri - kommersiya təşkilatıdır.1998- ci ilin sentyabrında ABŞ hökumətinin iştirakı ilə domen adları məsələlərinin nizama salınması, İP - ünvanları və İnternetin başqa sahələrini əhatə edir. Təşkilatın baş qərargahı Marina Del Reydə (Kaliforniya,ABŞ) yerləşir.
"İntrans" şirkətinin əsası 1991-ci ildə qoyulub. Azərbaycanda ilk İnternet şəbəkəsi xidmətləri başlayıb və yüksək səviyyənin domen meneseri olub.