Azərbaycan, Bakı, 16 aprel / Trend /Azərbaycanın mobil rabitə operatoru Azercell Telecom öz abunəçilərini aprelin 17-18-də gecə və səhər saatlarında rabitədə baş verəcək müvəqqəti çətinliklərə görə xəbərdarlıq edir. Bu barədə şirkətin məlumatında bildirilir.
Bu operatorun şəbəkəsinin təkmilləşdirlməsi ilə bağlı işlərlə əlaqədardır.
Şirkət müəyyən dövri olaraq rabitənin keyfiyyətini yaxşılaşdırmaq məqsədi ilə analoji işlər aparır.
"AzercellTelecom"un abunçəçilərinin sayı üç milyonu təşkil edir. "AzercellTelecom" MMC 1996-cı il yanvarın 19-u təsis edilib. "AzercellTelecom" Azərbaycan Rabitə və İnformasiya Texnologiyaları Nazirliyinin (35,7%) və "Fintur Holdings BV"in (64,3%) birgə müəssisəsidir. "Fintur Holdings BV"in səhmlərinin 58,55%-i "TeliaSonera", 41,45%-i isə "Turkcell" şirkətlərinə məxsusdur.