Azərbaycan, Bakı, 14 may /Trend, müxbir H.Vəliyev/
Azərbaycandakı təsərrüfat subyektlərinə göstərilən informasiya və rabitə xidmətlərinin həcmi yanvar-aprel aylarında 335,4 milyon manat təşkil edib. Bu, ötən ilin analoji dövr göstəricisindən 24,9 faiz çoxdur. Bu barədə Azərbaycan Dövlət Statistika Komitəsinin məlumatında deyilir.
Göstərilən rabitə xidmətlərinin ümumi həcminin 74 faizi əhaliyə göstərilən xidmətin payına düşüb. Bununla belə, əldə olunan gəlirin 70,3 faizi mobil rabitə xidmətlərinin payına düşüb. Bu xidmətlərin artımı ötən ilin analoji dövr göstəricisi ilə müqayisədə 27,1 faiz təşkil edib. Bu isə pul ilə hesablamada 235,8 manat təşkil edir.
Son il ərzində Azərbaycanda mobil rabitə istifadəçilərinin sayı 1,5 milyon artıb və aprelin 1-nə 8 milyona çatıb.
