...

Dövlət rabitə operatoru Bakı ATS-lərinin abunəçilərinin cüt xəttlərini bağlayır

Telekommunikasiya Materials 23 Noyabr 2010 11:28 (UTC +04:00)

Azərbaycan, Bakı, 23 noyabr /Trend, müxbir H.Vəliyev/

Rabitə və İnformasiya Texnologiyaları Nazirliyinin Bakı Telefon Rabitəsi İstehsalat Birliyi (İB) 438/439 və 494/495 saylı ATS-lərin abunəçilərinin cüt xəttlərinin bağlanması üzrə iş aparır. Bu barədə çərşənbə axşamı Trend-ə İB-nin baş direktorunun müavini Xankişi Kişiyev məlumat verib.

Kişiyevin sözlərinə görə, bu gün İB-nin mütəxəssisləri tərəfindən 438/439 saylı ATS-in 2,3 minə yaxın, 494/495 saylı ATS-in isə təxminən altı min telefon xətti bağlanıb.

İşlər göstərilən ATS-lərin yenidən qurulması ilə bağlı aparılır. Bu işlər onların telekommunikasiya infrastrukturları koordinatlarının yeni nəsil (NGN - Next Generation Network) şəbəkəyə keçidi ilə bağlıdır. Göstərilən ATS-lərdəki NGN avadanlıqları artıq installaşdırılıb və ən yaxın vaxtlarda köhnə avadanlıqların istismardan tam çıxarılması gözlənilir.

Operator göstərilən ATS-lərdə yenidənqurma işləri aparmaqla Bakıdakı bütün şəbəkə infrastrukturlarının 100 faizlik elektronlaşdırılmasına nail olmaq niyyətindədir. Bu gün şəbəkədə fəaliyyət göstərən ATS-lərin 60 faizindən çoxu yeni nəsil şəbəkəsi bazasında qurulub.

Eləcə də operatorun planlarına köhnəlmiş DMS texnologiyası üzrə çalışan 493 saylı ATS-in yenidənqurulması daxildir.

NGN şəbəkəsinə keçid prioritet tapşırıqdır ki, operator onun köməyilə uzunmüddətli perspektivdə yeni xidmətlər seqmentinin artımını stimullaşdırmaq fikrindədir. Yeni sistem operatora ənənəvi rabitə növləri ilə yanaşı IP-telefoniya, genişzolaqlı İnternet və IP-TV xidmətləri göstrəməyə imkan verir.

Bakı Telefon Rabitəsi davamlı rabitə və genişzolaqlı İnternet xidmətləri təqdim etmək üçün şəbəkə həllərində ruoterlərdən və "Huawei", ZTE və "Cisco" şirkətlərinin telekommunikasiya avadanlıqlarından istifadə edir. Həmin avadanlıqlar ATS-lər arasında məlumatların ötürülməsi sürəti 1-10 Gbit/saniyəyədək olan DATA şəbəkələrini qurmağa imkan verir.

Xəbər lenti

Xəbər lenti