Azərbaycan, Bakı, 14 iyul /Trend, müxbir H.Vəliyev/
Yanvar-iyun ayları ərzində təşkilatlara və əhaliyə göstərilən informasiya və rabitə xidmətlərinin həcmi 562,2 milyon manat təşkil edib ki, bu da ötən ilin müvafiq dövr göstəricisindən 14,4 faiz çoxdur. Trend-in məlumatına görə, bu barədə cümə axşamı Azərbaycan Dövlət Statistika Komitəsinin məlumatında deyilir.
Ümumi həcmdən 73,4 faiz əhaliyə göstərilən xidmətlərin payına düşür. Bununla yanaşı, alınan gəlirlərin 62,7 faizi mobil rabitə xidmətlərinin payına düşür. Bu xidmətlər ötənilki göstərici ilə müqayisədə 5,6 faiz artaraq 352,6 milyon manat təşkil edib.
