Azərbaycan, Bakı, 15 avqust / Trend, müxbir H.Vəliyev/
İlin sonunadək Türkmənistanın Dövlət Neft Şirkəti üçün naviqasiya trekinq sistemlərinin tədarük olunacağı gözlənilir. Bu barədə bazar ertəsi Trend-ə Sinam şirkətinin biznesin inkişafı üzrə direktoru İslam Əhmədov məlumat verib.
Onun sözlərinə görə, layihənin tez bir zamanda reallaşması bilavasitə əks tərəfin qərarından asılıdır. Sinam şirkəti buna operativ reaksiya verməyə və ən qısa müddətdə bu layihə üzərineə işləri başa çatdırmağa hazırdır.
Türkmənistanın neft şirkəti naviqasiya sistemləri ilə təchizatı üzrə müqavilə yarım ilin sonunda imzalanıb. Sinam şirkətinin tərəfdaşı rolunda Azərbaycanın Matrix şirkəti çıxış edir.
Bir müddət əvvəl Matrix şirkətindən deyldiyi kimi, layihənin reallaşması Türkmənistan tərəfinin bu layihənin həyata keçirilməsi üçün lazım olan vəsaiti ayırmasından asılıdır.
Layihə çərçivəsində qurğular neft şirkətinin 5 min avtomobilində quraşdırılacaq. Layihə çərçivəsində dispetçer sistemləri üçün 150 baza stansiyalarının quraşdırılması da nəzərdə tutulur.
Avtomobil trekerləri istər yük, istərsə də minik avtonəqliyyat mobil obyektlərin yerini müəyyənləşdirmək üçün nəzərdə tutulub.
GPS peykləri və "Teltonika" sistemləri vasitəsilə sifarişçi nəqliyyat vasitələrinin monitorinqini aparmaq, rəqəmsal xəritələrdə onların sürətini və hərəkət marşrutunu, dayanacaq məntəqələrini izləmək imkanı əldə edəcək.
