Azərbaycan, Bakı, 29 noyabr /Trend, müxbir H.Vəliyev/
Azərbaycanın "NetMoney" universal ödəniş sistemi Vkontakte.ru, Odnoklassniki.ru, Mamba.ru sosial şəbəkələrinin göstərdiyi xidmətlərdən yararlanmaq üçün onlayn-ödəniş tətbiq edib. Bu barədə cümə axşamı Trend-ə şirkətdən bildiriblər.
Ödənişi "Netmoney" kartlarından istifadə etməklə şirkətin saytında həyata keçirmək mümkündür.
Şirkət sosial şəbəkələrdə pul balansının artırılmasından əlavə, təqribən 60 onlayn-oyun servisinin ödənişi üçün hesabların artırılması imkanını təqdim edib.
"NetMoney"in internet ödəniş xidməti pulsuzdur (komisyon haqqı alınmır) və "NetMoney" ödəniş kartları vasitəsilə təqdim edilir.
Xidmətlərə görə ödəniş (hazırda bəzi internet-provayder, kabel televiziyası operatorlarının və s. göstərdiyi xidmətlərin ödənilməsi mümkündür) şirkətin kartlarının köməyi ilə həyata keçirilir. Bu kartlarla digər saytlarda da ödəniş etmək olar.
