Azərbaycan, Bakı, 31 mart /Trend, müxbir H.Vəliyev/
Azərbaycanın Trans-Avrasiya Super İnformasiya Magistralının (TASİM) tikintisinə dair təşəbbüsü Xəzər və Qara dəniz regionu və MDB ölkələri üçün telekommunikasiya və informasiya texnologiyaları üzrə XIII "Caspian Telecoms-2014" illik beynəlxalq konfransında təqdim olunacaq. Bu barədə Trend-ə TASİM layihəsinin işçi qrupunun rəhbəri Zaur Həsənov bildirib.
"Caspian Telecoms-2014" konfransı aprelin 24-25-də İstanbulda keçiriləcək.
Z.Həsənovun sözlərinə görə, konfransdakı məruzəsində mühüm regional əhəmiyyətə malik TASİM layihəsinin üstünlükləri və onun Avropa ilə Asiyanı birləşdirməyi nəzərdə tutduğu səsləndiriləcək.
