...

Bakı rəqəmsal TV-yə tam keçidə texniki baxımdan hazırdır

Telekommunikasiya Materials 9 İyun 2014 19:49

Trend-i buradan izləyin

Azərbaycan, Bakı, 9 iyun /Trend, müxbir H.Vəliyev/

Bakı DVB-T standartlı rəqəmsal yayıma tam keçidə texniki cəhətdən hazırdır. Bunu bazar ertəsi Trend-ə Rabitə və Yüksək Texnologiyalar Nazirliyinin "Teleradio" İstehsalat Birliyindən (İB) deyiblər.

İB-dən bildiriblər ki, analoq yayımın bağlanması Milli Televiziya və Radio Şurası və nazirliyin qərarından asılıdır.

Hazırda Bakı rəqəmsal TV siqnalının davamlılığını təmin etmək üçün ehtiyat ötürücü aparatlarla tam əhatə olunub. Avadanlıq Bakıda televiziya qülləsində quraşdırılıb.

İB perspektivdə ehtiyat şəbəkənin yaradılması üzrə işləri Azərbaycanın rayonlarında genişləndirməyi planlaşdırır.

Nazirliyin proqnozlarına əsasən, ilin sonunadək rəqəmsal yayım standartına tam keçid gözlənilir.

Məqalədə:
Xəbər lenti

Xəbər lenti