...

İnformasiya Texnologiyaları İnstitutunda Avropa Nüvə Tədqiqatları Mərkəzinin mütəxəssisləri ilə görüş keçirilib

Telekommunikasiya Materials 6 Dekabr 2006 18:01 (UTC +04:00)

Azərbaycan Milli Elmlər Akademiyasının (AMEA) İnformasiya Texnologiyaları İnstitutunda (İTİ) Avropa Nüvə Tədqiqatları Mərkəzinin (Cenevrə ş., CERN) nümayəndə heyəti ilə görüş keçirilib.

Trend AMEA-ya istinadən xəbər verir ki, görüşdə elementar hissəciklər fizikası üzrə ən mühüm müasir eksperimentlərdən olan ATLAS eksperimentinin rəhbəri Piter Ceni, məşhur nəzəriyyəçi-fizik, beynəlxalq əməkdaşlığa məsul CERN direktorluğunun əməkdaşı Conatan Ellis, CERN-in beynəlxalq məsələlər üzrə şöbə rəhbəri, doktor Nikolas Kolberq, AMEA Fizika İnstitutunun direktoru, texnika elmləri doktoru Arif Həşimov və İTİ-nin bir neçə əməkdaşı iştirak edib.

AMEA -nın İnformasiya Texnologiyaları İnstitutun direktoru Rasim Əliquliyev son illərdə institutun əldə etdiyi nailiyyətlər haqqında qısa məlumat verib. O qeyd edib ki, institut Azərbaycanda informasiya cəmiyyətinin qurulması istiqamətində elmi-tədqiqat işləri ilə geniş məşğul olur və eyni zamanda burada İKT sahəsi üzrə güclü mütəxəssislərlər hazırlanır.

Görüşdə çıxış edən qonaqlar ATLAS eksperimenti haqqında məlumat verib və bu eksperimentin işinə İKT sahəsində çalışan mütəxəssislərin də cəlb olunmasının zəruriliyini qeyd ediblər.

Xəbər lenti

Xəbər lenti