Azərbaycanda rəqəmli yayıma keçid başlayıb. Rabitə və İnformasiya Texnologiyaları Nazirliyi mətbuat xidmətinə istinadən Trend xəbər verir ki, bütün proses 8 il çəkəcək.
İşlər üç mərhələdə aparılacaq. Birinci mərhələ 2007-2010-cu illəri, ikinci mərhələ 2011-2013-cü illəri, üçüncü mərhələ 2014-2015-ci illəri əhatə edəcək. İlkin olaraq Bakı, Gəncə və Naxçıvanda 4 kanallı 2 yayım paketi baraxılacaq. İkinci mərhələdə Bakı, Gəncə və Naxçıvanda daha bir paket buraxılacaq. 2013-cü ilə qədər 12 proqramlı 3 paketin buraxılması nəzərdə tutulur.
Üçüncü mərhələdə əlavə datçiklər vasitəsilə yayımın keyfiyyətinin yaxşılaşdırılması nəzərdə tutulur.
Bu planlar "Teleradio" İB tərəfindən hazırlanmış və Nazirlər Kabinetinə təqdim olunmuş təkliflər paketində əks olunub.