Azərbaycan, Bakı / Trend / Yanvar-aprel aylarında Azərbaycanda 192,7 mln. Manat dəyərində rabitə xidmətləri göstərilib. Bu, ötən ilin analoji dövrü ilə müqayisədə 17,3 faiz çoxdur. Bu barədə Azərbaycan Dövlət Statistika Komitəsinin yaydığı məlumatda bildirilir.
Göstərilən xidmətlərin 74,7 faizi özəl şirkətlərin payına düşüb. Gəlirlərin 76,8 faizi əhaliyə göstərilən xidmətlərdən əldə olunub.
Azərbaycanın bölgələrində rabitə sahəsində göstərilən xidmətlərin həcmi artıb. Quba-Xaçmaz bölgəsində artım -18,8 faiz, Şirvan zonasında - 11,9 faiz, Şəki-Zaqatalada - 15 faiz, Aran zonasında- 12,5 faiz, Naxçıvanda - 25,5 faiz, Lənkəranda - 13,8 faiz, Abşeronda - 8,7 faiz və Gəncə - Qazax zonasında - 5,3 faiz olub.
