Azərbaycan, Bakı /müx. Trend S.Babayeva/ Yaponiyanın səfiri Taxadiro Abe Azərbaycanla informasiya texnologiyaları sahəsində əməkdaşlığın tezliklə genişləndiriləcəyinə əmin olduğunu bildirib. Bu bərədə o, "Rabitə dünyası" qəzetinə (Azərbaycanın Rabitə və İnformasiya Texnologiyaları Nazirliyinin rəsmi qəzeti) verdiyi müsahibədə bildirib.
Onun sözlərinə görə, İT sahəsində Yaponiya aparıcı ölklərdən biridir və öz təcrübəsini Azərbaycanla bölüşməyə hazırdır.
Azərbaycanın rabitə və informasiya naziri Əli Abbasov səfirə Yaponiyanın Rabitə və Daxili İşlər Nazirliyi ilə münasibətlərin qurulmasında kömək etmək xahişi ilə müraciət edib.
Azərbaycan Yaponiyanın İKT sahəsində böyük təcrübəsini və ölkənin iqtisadi inkişafının yüksək səviyyəsini nəzərə alaraq Yaponiya ilə əməkdaşlıqda maraqlıdır.
Hazırda Azərbaycanın Rabitə Nazirliyi MDB, Avropa, Asiya və Amerika ölkələri ilə 20-dən çox müqavilə, protokol və memoranduma malikdir. Yaponiya ilə hələ ki, informasiya texnologiyaları sahəsində müqavilə yoxdur.