Gürcüstan, Tbilisi, 27 yanvar / Trend , müxbir N.Kirsxaliya/
"Demokratik hərəkat - vahid Gürcüstan" partiyasının lideri, eks-spiker Nino Burcanadze İsveçrədədir və Davosda keçirilən Dünya İqtisadi Forumunda iştirak edir. Bu barədə partiya üzvü Roman Kusiani Trend -a məlumat verib.
Onun sözlərinə görə, Burcanadzenin forum çərçivəsində kimlərlə görüşəcəyi ona məlum deyil, lakin məlumdur ki, Gürcüstan hökumətindən heç kəs forumda iştirak etmir.
"Demokratik hərəkat - vahid Gürcüstan" partiyası Burcanadzenin İsveçrəyə səfərinin yekunu üzrə press-reliz yayacaq.