Bizim atom bombalarımız – gənclərimiz və idmaçılarımızdır - İran Prezidenti Mahmud Əhmədinejad
Mədəniyyətə və sivilizasiyaya malik ölkələrə atom bombası lazım deyil. Bu barədə İran prezidenti Mahmud Əhmədinejat bildirib.
İRNA agentliyinə istinadən Press TV məlumat verir.
"Mən artıq dəfələrlə bildirmişəm ki, bizim atom bombalarımız - bizim gənclərimiz və idmançılarımızdır. Qətiyyət, intellekt və mədəniyyətə malik olan ölkələrə atom bombası lazım deyil". - Cümə axşamı prezident Əhmədinejad bildirib.
"Mədəni tarixi keçmişi olmayan kəslər atom bombasına ehtiyacı olduğunu bildirir", - o qeyd edib.
Əhmədinejad, həmçinin, İranın Fiziki Tərbiyə Təşkilatının rəhbəri Əli Səidliyə ölkənin idmançıları üçün mövcud məhdudiyyətləri aradan qaldırmaq, idman düşərgələri təşkil etmək və yaxşı məşqçilərdən və texniki heyətdən istifadə etməyi tapşırıb.
Prezident, həmçinin, bəyan edib ki, "İranın idman büdcəsi növbəti ildə beş dəfə artacaq".
"Biz nəinki Asiya çempionatlarında qələbə qazanmalıyıq, həmçinin, dünya çempionu olmaq barədə də düşünməliyik", - o qeyd edib.
