Gürcüstan, Tbilisi, 16 aprel /Trend, müxbir N.Kirsxaliya/
Gürcüstan XİN və Kanada xarici işlər və xarici ticarət departamenti arasında siyasi məsləhətləşmələrin növbəti mərhələsi baş tutub.
Kanada tərəfinə danışıqlarda xarici işlər və xarici ticarət departamentinin Avropa bürosunun baş direktoru Robert Heyq rəhbərlik edib. Bu barədə XİN-in informasiya və mətbuat departamentindən Trend-ə bildirilib. Nümayəndə heyətinə, həmçinin, Kanadanın Gürcüstandakı səfiri Mark Beyl də daxil olub.
Kanada nümayəndə heyətinin üzvlərini Gürcüstan xarici işlər nazirinin müavini David Calaqaniya qəbul edib.
Səfər zamanı Gürcüstan XİN-in müxtəlif departamentlərinin və digər idarələrinin rəhbərləri ilə siyasi məsləhətləşmələr baş tutub.
Məsləhətləşmələr zamanı tərəflər gündəlikdə duran geniş spektrli siyasi və iqtisasdi məsələləri və ikitərəfli münasibətlərin gücləndirilməsi perspektivlərini müzakirə ediblər. Görüşdə Kanada tərəfi Gürcüstanın ərazi bütövlüyünü və suverenliyini, həmçinin, ölkənin Avropaya və Avroatlantik qurumuna inteqrasiyasını tamamilə dəstəklədiyini bir daha sübut edib.
