Azərbaycan, Bakı, 25 sentyabr /Trend/
Məkkədə - Mina dağında baş verən izdihamda dörd Türkiyə vətəndaşı ölüb.
Trend bu barədə "Hurriyet" qəzetinə istinadən məlumat verir.
Məlumatda qeyd olunur ki, faciədə ölənlərin sayı 717-yə, yaralananların sayının isə 863 olduğu bildirilir.
Həcc dövründə baş vermiş ən böyük insidentlər:
1990-cı il - Məkkədən Mina çadır şəhərciyinə aparan piyada tunelində 1427 zəvvar ölüb.
1994-cü il - qarışıqlıqda 270 zəvvar ölüb.
1997-cı il - yanğın nəticəsində 343 zəvvar ölüb və təqribən 1500-ü yaralanıb.
1998-ci il - izdihamda 118 zəvvar ölüb.
2001-ci il izdihamda 35 zəvvar ölüb.
2004-cü il ayin zamanı izdihamda 251 zəvvar ölüb.
2006-cı il - ayin zamanı izdihamda 345 zəvvar ölüb.
Qeyd edək ki, bir müddət bundan əvvəl Məkkədə baş vermiş faciədə 107 zəvvar ölmüşdü, 238 zəvvar isə xəsarətlər almışdı.