Bakı. Rufiz Hafizoğlu - Trend:
İstanbulda qanunsuz qumar oyunların təşkilatçılarına qarşı polisin apardığı xüsusi əməliyyat nəticəsində 700-dən çox nəfər saxlanılıb. Bu barədə Trend "Haber7" qəzetinə istinadən məlumat verir.
Əməliyyat səhərə yaxın 4 saat ərzində İstanbulun bir neçə rayonunda aparılıb. Saxlanılanlar arasında əcnəbilər də var. Onların hansı ölkə vətəndaşı olması barədə məlumat verilmir.
Qeyd edək ki, Türkiyədə 1996-cı ildən bəzi qumar oyunları qadağan edilib.