Bakı. Trend:
Meksikada dövlət şirkəti "Pemex" neft platformasında baş verən yanğın nəticəsində iki nəfərin öldüyü barədə məlumat yayıb.
Trend-in "RİA Novosti"yə istinadən verdiyi məlumata əsasən, şirkətin məlumatında qeyd olunur ki, yanğın Meksika körfəzində "Abkatunun A" platformasında baş verib.
Həmçinin, yanğın nəticəsində daha 9 nəfər yaralanıb. Onlar hava yolu ilə xəstəxanaya çatdırılır.
Platformadakı yanğın söndürülüb.