Bakı. Rufiz Hafizoğlu - Trend:
Türkiyənin Hatay vilayəti Suriya ərazisindən atəşə tutulub.
Trend-in məlumatına görə, YPG və PYD terrorçularının nəzarəti altında olan ərazilərdən buraxılan mərmi yaşayış evinə düşüb.
Hadisə nəticəsində bir nəfər həlak olub.
Qeyd edək ki, yanvarın 20-də Türkiyə Silahlı Qüvvələri Suriyanın Afrin bölgəsində PYD, YPG və İŞİD terrorçularına qarşı əməliyyata başlayıb. "Zeytun budağı" adı altında keçirilən əməliyyatlara Türkiyə Hərbi Hava Qüvvələrinin "F-16" təyyarələri də cəlb olunub.