Bakı. Trend:
Polşanın energetika naziri Kşiştof Txujevskiy Rusiyanın istehsal etdiyi elektrik enerjisini almaqdan imtina etməyə çağırıb.
Trend-in məlumatına görə, nazir fikeini belə əsaslandırıb ki, Aİ ölkələrində bərpa olunan enerjiyə dotasiyalar var, insanların sağlamlığı və ətraf mühitə görə də ödənişlər var:
"Aİ bunlara riayət edir. Rusiyada isə belə tələblər yoxdur, ona görə də elektrik enerjisi orada ucuz başa gəlir. Mən ümumiyyətlə Rusiyadan elektrik enerjisi almamağın tərəfdarıyam".
Polşalı nazir daha sonra əlavə edib ki, ölkəsi özünü elektrik enerjsi ilə tam təmin edir:
"Nə Rusiyadan, nə Belarusdan, nə də Ukraynadan alırıq".