Cənubi Koreya ölkəyə yaxınlaşan tayfuna hazırlaşır
Bakı. Trend:
Cənubi Koreyada yaxınlaşan güclü tayfun səbəbindən Böhran İdarəetmə Mərkəzi fəaliyyətə başlayıb.
Trend-in məlumatına görə, bu barədə Cənubi Koreya prezidentinin administrasiyasından bildiriblər.
Koreya dövlət meteorologiya idarəsinin məlumatına əsasən, "Soulik" tayfunu Cənubi Koreyaya avqustun 23-ü çatmalıdır. Tayfun son 6 il ərzində ilk dəfə yarımadanın ərazisində keçəcək.
Qeyd edək ki, daha əvvəl ölkənin prezident Mun Çje İn yaxınlaşan tayfunun qurbanlarının və nəticələrinin minimuma endirmək üçün bütün mümkün tədbirləri görməyə çağırıb.
