Bakı. Trend:
Malinin paytaxtı Bamakoda binanın çökməsi zamanı 12 nəfər ölüb, 26 sakin xilas edilib.
Trend-in məlumatına görə, bu barədə Malinin Təhlükəsizlik və Mülki Müdafiə Nazirliyi "Twitter" səhifəsində bildirib.
Məlumata əsasən, üç mərtəbəli bina yerli vaxtla saat 4:00-də çöküb. Xilasetmə işləri bütün gün davam edib:
"Saat 18.30-a olan vəziyyətə görə, Bankoni Salembuqu (Bamako) rayonundakı binanın çökməsi zamanı 38 nəfər xilas edilib, onların arasında 12 nəfər həlak olub".