Bakı. Trend:
Boliviyanın üç şəhərində polislər Evo Moralesin yenidən seçilməsinə qarşı etirazlara qoşulub.
Trend-in məlumatına görə, bu barədə "El Deber" və "Le Razon" qəzetləri bildiriblər.
Məlumata əsasən, birinci olaraq Koçabamba şəhərinin polisləri qalxıb.
Onlara ölkənin ən böyük şəhəri Santa Kruzdakı hüquq mühafizə orqanlarının əməkdaşları qatılıblar.
Boliviyanın konstitusiya paytaxtı Sukredə də polislər seçki nəticələrinə yenidən baxılmasını tələb edib.