...

Hindistanda etiraz aksiyaları zamanı iki nəfər ölüb

Dünya xəbərləri Materials 20 Dekabr 2019 03:59 (UTC +04:00)
Hindistanın vətəndaşlığı qanununda dəyişikliklərin qəbul edilməsinə etiraz olaraq keçirilən aksiyalarda iki nəfər ölüb, daha iki nəfər yaralanıb
Hindistanda etiraz aksiyaları zamanı iki nəfər ölüb

Bakı. Trend:

Hindistanın vətəndaşlığı qanununda dəyişikliklərin qəbul edilməsinə etiraz olaraq keçirilən aksiyalarda iki nəfər ölüb, daha iki nəfər yaralanıb.

Trend-in məlumatına görə, Karnataka ştatının Manqaluru şəhərində iğtişaşlar zamanı polis güllələrindən iki nəfər ölüb.

Dekabrın 20-si axşama qədər şəhərdə fövqəladə vəziyyət elan edilib.

Qanun dəyişikliyində qonşu Pakistan, Banqladeş və Əfqanıstandan olan zorakılıqla qarşılaşmış qeyri müsəlman qaçqinların Hindistanda sadələşmiş qaydada vətəndaşlıq ala bilmələrindən gedir.

Qəbul edilmiş qanun Hindistan müsəlmanlarının narazılıqlarına səbəb olub. Aksiyaların təşkilatçılarının fikrinə görə, bu qanun yerli əhalinin maraqlarına zidd ola bilər. Dekabrın18-i Hindistanın Ali Məhkəməsi ölkədəki iğtişaşlara baxmayaraq, qanunun ləğvinə dair müraciəti rədd edib.

Məqalədə:
Xəbər lenti

Xəbər lenti