Bakı. Trend:
ABŞ-da afroamerikalı Corc Floydun polis tərəfindən öldürüldüyü Minneapolis şəhərində polis departamenti bütünlüklə buraxıla bilər.
Trend-in məlumatına görə, bu barədə Şəhər Şurasının üzvləri razılığa gəlib.
Qeyd olunur ki, Şuranın 13 üzvündən 9-u polis departamentinin ləğv olunmasına tərəfdar çıxıb.
Mütəxəssislər bundan sonra polis departamentinin necə ləğv olunacağı və gələcəkdə təhlükəsizliyin hansı formada təmin olunacağı barədə müzakirələrin başlayacağını hesab edir.
Qeyd edək ki, ABŞ-ın digər şəhərlərində də polis departamenlərində islahatların aparılacağı planlaşdırılır.