Bakı. Trend:
Rusiyanın müxtəlif bölgələrində meşə yanğınlarının sahəsi bir həftə ərzində 5 dəfə artıb.
Trend-in məlumatına görə, bu barədə Rusiyanın Meşələrin havadan mühafizəsi xidmətinin hesabatında deyilir.
Qeyd olunur ki, iyunun 20-dək 251 min hektar ərazidə meşə yanğını qeydə alınmışdısa, iyunun 27-dək bu göstərici 1,153 milyon hektara çatıb.
Hazırda Yakutiya Respublikası, Çukotka, Maqadan vilayəti, Kamçatka, Xabarovsk və Buryatiyada ümumilikdə 138 yerdə yanğın davam edir.