Bakı. Trend:
Çinin paytaxtı Pekində keçirilən Qış Olimpiya Oyunlarının iştirakçıları arasında daha 3 koronavirusa yoluxma halı aşkar edilib.
Trend-in məlumatına görə, bu barədə Olimpiya Oyunlarının Təşkilat Komitəsi bildirib.
Qeyd olunub ki, ötən gün Pekinə 136 nəfər, o cümlədən 81 idmançı gəlib. Keçirilən PZR testləri nəticəsində 2-si idmançı olmaqla 3 nəfərdə koronavirus aşkar edilib.
Qeyd edək ki, 24-cü Qış Olimpiya Oyunları Pekində fevralın 4-dən 20-dək keçirilir.