Bakı. Trend:
Qvatemalanın Ueuetenanqo departamentində Qvatemala prezidenti Alexandro Cammatteinin nümayəndə heyətinə silahlı hücum nəticəsində bir neçə nəfər yaralanıb.
Trend-in məlumatına görə, bu barədə "Sonora" radio stansiyası bildirib.
Məlumata əsasən, dövlət başçısı xəsarət almayıb. Qeyd olunub ki, nümayəndə heyətini qoruyan hərbçilər hücum edənlərdən birini yaralayıb. İlkin məlumatlara görə, o, Meksika vətəndaşıdır.
Bildirilib ki, hücum edənlərdən bəziləri Meksika ərazisinə qaçıb. Qonşu ölkənin hərbçiləri azı dörd nəfəri saxlayıblar.