Bakı. Trend:
ABŞ-ın Kaliforniya ştatının şimalında qar yağmasına və güclü küləklərə səbəb olan fırtına başlayıb, daşqın təhlükəsi var.
Trend-in məlumatına görə, bu barədə "Associated Press" agentliyi xəbər verib.
Ştatın inzibatı paytaxtı - Sakramentonun meteoroloji xidməti xəbərdarlıq edib ki, əlverişsiz hava şəraiti ilə əlaqədar bölgədə ciddi problemlər gözlənilir.
"Elektrik enerjisinin verilməsində fasilələr ola bilər, ağacların aşması riski var, çətin yol şəraiti müşahidə olunur", - deyə bildirilib.