Bakı. Trend:
Misir Ərəb Respublikasının Prezidenti Əbdülfəttah əs-Sisi və Türkiyə Prezidenti Rəcəb Tayyib Ərdoğan arasında telefon danışığı baş tutub.
Trend xəbər verir ki, bu barədə Türkiyə Prezidenti Administrasiyasının Kommunikasiya İdarəsindən bildirilib.
Telefon danışığı zamanı əs-Sisi Ərdoğanı yenidən Türkiyə prezidenti seçilməsi münasibətilə təbrik edib.
Tərəflər həmçinin Türkiyə-Misir əlaqələrinin, xüsusilə iqtisadi sahədə dərinləşdirilməsini və regional məsələləri müzakirə ediblər. İki ölkə liderləri səfir mübadiləsi barədə razılığa gəliblər.