Bakı. Trend:
Rusiya Federasiyasının Baş naziri Mixail Mişustin Sergey Mixaylovun Rusiyanın TASS informasiya agentliyinin baş direktoru vəzifəsindən azad edilməsi barədə sərəncam imzalayıb.
Trend TASS informasiya agentliyinə istinadən xəbər verir ki, bu barədə Rusiya hökumətinin mətbuat xidməti məlumat yayıb.
Agentliyin yeni rəhbəri olaraq bundan əvvəl Ümumrusiya Dövlət Televiziya və Radio Yayımları Şirkətinin baş direktorunun birinci müavini vəzifəsində çalışmış Andrey Kondraşov təyin edilib.
Qeyd edək ki, Sergey Mixaylov 2012-ci ildən etibarən ölkənin ən qocaman xəbər agentliyi olan TASS-a rəhbərlik edib. O eyni zamanda MDB Dövlət İnformasiya Agentlikləri Rəhbərləri Şurasının sədri, Asiya və Sakit Okean Ölkələri İnformasiya Agentlikləri Təşkilatının (Organization of Asia-Pacific News Agencies) vitse-prezidenti və "Avrasiya Xalqları Assambleyası"nın Media Şurasının rəhbəridir.