Bakı. Trend:
NATO ölkələri Şimali Koreyanın BMT Təhlükəsizlik Şurasının qətnamələrini pozan ballistik raket və kütləvi qırğın silahları proqramlarını kəskin şəkildə pisləyib.
Trend xəbər verir ki, bu barədə alyansın Vilnüs sammitinin birinci günündən sonra dərc edilmiş bəyanatında deyilir.
Bəyanatda KXDR-in nüvə silahlarından, mövcud nüvə proqramlarından, eləcə də digər kütləvi qırğın silahlarından və ballistik raketlərin hazırlanması proqramlarından tam və yoxlanıla bilən formada imtinanın zəruriliyi vurğulanır.
Bundan əlavə, NATO ölkələri Pxenyanı dialoqa qayıtmağa və nüvə silahının yayılmaması rejimi və MAQATE-nin tələblərinə əməl etməyə çağırıb.